Новости ⇒ Күп ҡырлы ижадсы - Марсель Ҡотоев
Күп ҡырлы ижадсы - Марсель Ҡотоев
Автор: Башкирская государственная филармония
Дата: 27.04.2015
Х. Әхмәтов исемендәге Башҡорт дәүләт филармонияһы артисы Марсель Ҡотоев М.Ғәфүри исемендәге Башҡорт дәүләт драма театрында ҡуйылған “Ҡаһым түрә” спектаклендә башҡорт халыҡ йыры “Ҡаһым түрә”не башҡара
Х. Әхмәтов исемендәге Башҡорт дәүләт филармонияһы артисы Марсель Ҡотоев М.Ғәфүри исемендәге Башҡорт дәүләт драма театрында ҡуйылған “Ҡаһым түрә” спектаклендә башҡорт халыҡ йыры “Ҡаһым түрә”не башҡара.
Спектаклдең композиторы Урал Иҙелбаев Марсель Ҡотоевты үҙе эшкәртеүендәге башҡорт халыҡ йыры “Ҡаһым түрә”не башҡарыу өсөн махсус саҡыра. Тарихи шәхес Ҡаһым түрә образын асыу өсөн халыҡ ижад иткән йыр мөһим роль уйнай. Марсель Ҡотоев төп геройҙың уй-хәсрәттәрен, асылын йыр аша театр тамашасыһына тулыһынса еткерә.
Шулай уҡ йәш йырсы июндә Хакасияла йыл һайын уҙғарылған “Ут йыры” конкурсына әҙерләнә. Ул унда өсөнсө йыл рәттән жюри ағзаһы. Әйткәндәй, Марсель Ҡотоевтың 77 ижад миҙгелендә юбилей концерты көтөлә. Бөгөнгө көндә йырсы репертуар туплай, яңы йырҙар өҫтөндә янып эшләй.
