Новости ⇒ ҺАБАНТУЙҘАР ДАУАМ ИТӘ!

   Милләттәштәребеҙ күпләп йәшәгән төбәктәрҙә һабантуйҙар дауам итә. Сара республикабыҙҙа ғына түгел, ә Мәскәү, Санкт-Петербург, Себер яҡтарында һәм башҡа өлкәләрҙә ойошторолоуы матур йолаға әүерелде. Төрлө йәштәге, төрлө милләт һәм төрлө дин тотҡан кешеләрҙе берләштергән был байрамда, һәр йылдағыса, Х. Әхмәтов исемендәге Башҡорт дәүләт филармонияһы артистары ҡатнаша. 
   6 июль Рәсәйҙең баш ҡалаһы Мәскәүҙә «Коломенское» паркында йәшлек менән һуғарылған сағыу программаларын «Карауан» һәм «Арғымаҡ» егеттәре бүләк итә. Шул уө көндә, Силәбе өлкәһенең Троицкий ҡалаһында «Далан» эстрада төркөмөнөң сығышын күрергә мөмкин. Байрамдарыбыҙ уртаҡ булһын, милләттәштәр! Һабантуйҙарға рәхим итегеҙ!